جاپان روڈ پر ترقیاتی کاموں کا آغاز، چوہدری خرم تاجر گروپ کا عوامی فلاحی اقدام

چوہدری خرم تاجر گروپ نے عوامی سہولت اور امن و امان کے قیام کے لیے جاپان روڈ پر ترقیاتی کاموں کا آغاز کر دیا ہے۔ اس منصوبے کے تحت جاپان روڈ پر جدید سیکیورٹی کیمروں کی تنصیب کے ساتھ ساتھ اسٹریٹ لائٹس بھی لگائی جائیں گی تاکہ رہائشیوں کو بہتر روشنی اور محفوظ ماحول فراہم کیا جا سکے۔
یہ اقدام نہ صرف عوامی آمد و رفت میں آسانی پیدا کرے گا بلکہ جرائم کی روک تھام میں بھی مؤثر ثابت ہوگا۔ مقامی رہائشیوں نے چوہدری خرم تاجر گروپ کے اس فلاحی قدم کو سراہتے ہوئے امید ظاہر کی ہے کہ یہ منصوبہ علاقے کی بہتری اور تحفظ میں اہم کردار ادا کرے گا۔