ممتاز سماجی شخصیت قاضی محمد اویس نے آج الائیڈ سکول جناح گارڈن کا دورہ کیا، جہاں بچوں کی ماحولیاتی آگاہی اور سولر انرجی، واٹر ریسائیکلنگ، ماحولیات اور آلودگی کے بارے میں شعور بڑھانے کے لیے خصوصی پروگرام کا انعقاد کیا گیا تھا۔
اس پروگرام میں بچوں نے متعدد تعلیمی اور ماحولیاتی پروجیکٹس تیار کیے، جنہیں دیکھ کر قاضی محمد اویس نے بچوں کی محنت اور تخلیقی صلاحیتوں کو سراہا۔ انہوں نے بچوں کو درختوں کی اہمیت اور ماحول کی حفاظت کے بارے میں آگاہی بھی فراہم کی۔
تعلیمی پروگرامز کو باقی اسکولز تک بڑھانے کی ضرورت
قاضی محمد اویس نے اس امر پر زور دیا کہ الائیڈ سکول جناح گارڈن کی طرز کے پروگرامز کو دوسرے اسکولز تک بھی توسیع دی جائے تاکہ طلباء کے علمی اور ماحولیاتی شعور میں اضافہ ہو اور وہ ماحول دوست سرگرمیوں میں حصہ لے سکیں۔
