اسلام آباد کے علاقے غوری ٹاؤن فیز 4، کلمہ چوک کے قریب واقع ایک اسکول کی عمارت میں اچانک آگ لگنے کا واقعہ پیش آیا ہے، جس پر ریسکیو ٹیمیں فوری طور پر موقع پر پہنچ گئیں اور آگ بجھانے کی کارروائی جاری ہے۔
ابتدائی اطلاعات کے مطابق آگ لگنے کی وجوہات تاحال معلوم نہیں ہو سکیں، تاہم ریسکیو اہلکاروں نے بروقت کارروائی کرتے ہوئے صورتحال کو قابو میں کرنے کی کوششیں تیز کر دی ہیں۔ واقعے میں کسی جانی نقصان کی فوری طور پر کوئی اطلاع موصول نہیں ہوئی۔
انتظامیہ کی جانب سے شہریوں سے اپیل کی گئی ہے کہ وہ غیر ضروری طور پر جائے وقوعہ کا رخ نہ کریں تاکہ ریسکیو آپریشن میں کسی قسم کی رکاوٹ نہ آئے، اور متعلقہ اداروں کے ساتھ مکمل تعاون کریں۔
حکام کے مطابق آگ پر قابو پانے کے بعد واقعے کی مکمل تحقیقات کی جائیں گی تاکہ اس کی وجوہات کا تعین کیا جا سکے۔
